«Çalık Enerji» türk kompaniýasy Germaniýanyň «Commerzbank» bankyndan we Şweýsariýanyň eksport-karz agentliginden (EKA) Türkmenistanyň Balkan welaýatynyň Türkmenbaşy şäherinde kuwwatlylygy 1574 MWt bolan bug-gaz elektrik stansiýasynyň gurluşygy üçin ABŞ-nyň 586 million dollary möçberinde maliýe kepilligini aldy. Bu barada Türkmenistanyň Halkara habarlar merkezi habar berýär.
2023-nji ýylyň 28-nji oktýabrynda Türkmenistanyň Prezidenti Serdar Berdimuhamedow «Türkmenenergo» döwlet elektroenergetika korporasiýasyna Türkmenbaşy etrabynda kuwwatlylygy 1574 megawat bolan elektrik stansiýasyny gurmak barada Respublikasynyň «Çalik Enerji Sanayi ve Ticaret A.Ş.» türk kompaniýasy bilen şertnama baglaşmaga ygtyýar bermek hakynda Karara gol çekdi. Resminama laýyklykda, desgany 2027-nji ýylyň maý aýynda ulanmaga doly taýýar edilip tabşyrylar.
