Hormatly Prezidentimiz Serdar Berdimuhamedow ýylda 1 million tonna sement öndürmäge ukyply Lebap sement zawodynyň ikinji tapgyrynyň açylmagy mynasybetli guralan dabara gatnaşdy. Täze önümçilik desgasynyň ulanmaga berilmegi ýurdumyzda milli ykdysadyýeti güýçli depginde senagatlaşdyrmagyň we importyň ornuny tutýan harytlary öndürmegiň çäklerinde möhüm waka boldy.
Döwlet Baştutanymyz ýurdumyzy durmuş-ykdysady taýdan ösdürmek boýunça kabul edilen döwlet maksatnamalarynyň üstünlikli durmuşa geçirilmeginde senagat pudagynyň möhüm ornuny belläp geçdi. Türkmenistanyň Senagat we gurluşyk önümçiligi ministrliginiň buýurmasy esasynda «Türkmen enjam» hojalyk jemgyýeti tarapyndan gurlan täze zawodda dünýäniň öňdebaryjy öndürijileriniň enjamlary ornaşdyryldy.
Lebap sement zawodynyň giňelmegi gurluşyk pudagynyň önümçilik kuwwatyny artdyrar we içerki bazary ýokary hilli sement bilen doly üpjün eder.
Hormatly Prezidentimiz Serdar Berdimuhamedow ýurdumyzyň gurluşyk-senagat toplumynyň kärhanalary tarapyndan öndürilýän dürli görnüşli önümleriň sergisi bilen hem tanyşdy. Bu ýerdeTürkmenistanyň Energetika ministrliginiň diwarlygy hem ýerleşdirilipdir.
