Türkmenistanyň Prezidenti Serdar Berdimuhamedow «Türkmenistan — Birleşen Milletler Guramasy» strategik maslahat beriş geňeşini döretmek hakynda Karara gol çekdi diýip, TDH habar berýär.
Geňeşiň işi Türkmenistanyň il-ýurt bähbitli milli maksatnamalaryny we halkara başlangyçlaryny amala aşyrmak bilen bagly işleri guramaga gönükdirilendir. Mundan başga-da, täze edara BMG we onuň düzüm birlikleri bilen bilelikdäki taslamalaryň çäklerinde hyzmatdaşlygy ulgamlaýyn esasda alyp barar.
Onuň işi Türkmenistanyň dünýä giňişligindäki abraýyny berkitmäge we Birleşen Milletler Guramasy bilen has ýakyn gatnaşyklary ýola goýmaga ýardam berer.
