Türkmenistanyň energetika pudagynda 2024-nji ýylyň ýanwar aýynda ynamly ösüş gazanyldy. Wise-premýer B.Annamämmedowyň Ministrler Kabinetiniň mejlisindäki hasabatynda bellenilişi ýaly, Energetika ministrligi tarapyndan önümleri öndürmegiň hem-de işleri ýerine ýetirmegiň meýilnamasy115,8 göterim berjaý edildi.
Energetika pudagynda şeýle ýokary ösüş depgini soňky ýyllarda pudagyň giň gerimde döwrebaplaşdyrylmagy esasynda gazanyldy. Türkmenistanda uglewodorod çig malyny çykarmak, daşamak we gaýtadan işlemek boýunça täze tehnologiýalar işjeň ornaşdyrylýar.
Hormatly Prezidentimiz Serdar Berdimuhamedow wise-premýeriň hasabatyny diňläp, ilaty we kärhanalary elektrik energiýasy bilen durnukly üpjün etmek üçin zerur çäreleri görmegi tabşyrdy.
