Türkmenistanyň Prezidenti Serdar Berdimuhamedow möhüm infrastruktura desgalarynyň gurluşygynyň bellenen möhletlerde tamamlanmagyna gözegçilik etmegiň çärelerini tassyklamak bilen baglanyşykly Buýruga gol çekdi.
Resminama laýyklykda, Ministrler Kabinetiniň Başlygynyň orunbasarlary, welaýatlaryň we Aşgabat şäheriniň häkimleri maýa goýum meýilnamalaryny üstünlikli amala aşyrmak hem-de täze iş orunlaryny döretmek maksady bilen, degişli iri önümçilik we durmuş maksatly desgalaryň bellenen möhletlerde ulanmaga tabşyrylmagyna gözegçilik ederler.
Şeýle hem Gurluşyk we binagärlik ministrligine gurluşyk işleriniň hiline gözegçiligi güýçlendirmek tabşyryldy. Ministrlik dumuş maksatly möhüm binalaryň öz wagtynda ulanmaga tabşyrylmagyny üpjün etmek üçin desgalaryň işe girizilmeginiň takyk tertibini düzmeli.
