Türkmenistanyň Prezidenti Serdar Berdimuhamedow Gyrgyz Respublikasynyň energetika ulgamynda ýüze çykan ýagdaýlary nazara alyp, ýurda ynsanperwerlik kömegini bermek baradaky Buýruga gol çekdi diýip, TDH habar berýär.
Resminama laýyklykda, 2024-nji ýylyň fewral aýynda 2 müň tonna möçberdäki suwuklandyrylan tebigy gaz dost-doganlyk kömegi hökmünde Gyrgyz Respublikasyna iberildi.
Gyrgyzystana iberilen suwuklandyrylan gaz goňşy ýurduň Hökümetiniň gyrgyz halkynyň abadan durmuşyny üpjün etmek ugrunda durmuşa geçirýän tagallalaryna türkmen halkynyň özboluşly goşandydyr.
Şeýle ynsanperwerlik çäreleriniň geçirilmegi Türkmenistanyň hoşniýetli goňşuçylyk we oňyn Bitaraplyk ýörelgelerine esaslanýan daşary syýasatynyň möhüm däpleriniň birine öwrüldi.
