Hormatly Prezidentimiz Serdar Berdimuhamedow gyş möwsüminde elektrik energiýasy bilen bökdençsiz üpjün etmegiň meseleleri boýunça sanly ulgam arkaly iş maslahatyny geçirdi. Iş maslahatyna wise-premýer T.Atahallyýew hem-de welaýatlaryň häkimleri gatnaşdylar diýip, TDH habar berýär.
Döwlet Baştutanymyzyň belleýşi ýaly, pes temperatura şertlerinde ýaşaýyş jaýlarynyň we durmuş maksatly desgalaryň elektrik energiýasy bilen durnukly üpjün edilmegi örän möhümdir.
Welaýatlaryň häkimleri gyş paslynda elektrik energiýasy bilen talabalaýyk üpjün etmek üçin ähli zerur çäreleriň alnyp barylýandygy barada hasabat berdiler. Olar elektrik energiýasy bilen bökdençsiz üpjün etmegiň meseleleriniň berk gözegçilikde saklanýandygyny nygtadylar.
