26-njy ýanwarda Türkmenistanyň Prezidenti Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurduň hukuk binýadyny kämilleşdirmegiň we berkitmegiň wezipelerine, şeýle hem döwlet durmuşyna degişli ileri tutulýan beýleki meselelere garaldy diýip, TDH habar berýär.
Mejlisiň Başlygy D.Gulmanowanyň çykyşynda bellenilişi ýaly, Türkmenistanyň Mejlisi energiýany tygşytlamak we energiýadan netijeli peýdalanmak bilen bagly kanunçylyk namalarynyň taslamalaryny taýýarlamak boýunça işleri alyp barýar.
Döwlet Baştutany milli kanunçylygy mundan beýläk-de kämilleşdirmek boýunça işleri dowam etdirmegiň wajypdygyna ünsi çekdi.
