Türkmenistanyň Prezidentiniň 2023-nji ýylyň 1-2-nji dekabrynda Dubaý şäherinde Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň maslahatynyň ýigrimi sekizinji mejlisinde (COP28) eden çykyşyndaky howanyň üýtgemegi hem-de daşky gurşawyň howpsuzlygy baradaky milli garaýyşlaryň beýany Baş Assambleýanyň 78-nji sessiýasynyň resmi resminamasy hökmünde BMG-niň alty resmi dilinde neşir edildi we ýaýradyldy. Bu barada Türkmenistanyň DIM-niň saýtynda habar berilýär.
Bu resminamada Türkmenistanyň Ählumumy metan borçnamasyna goşulýandygy we Birleşen Milletler Guramasynyň Daşky gurşaw boýunça maksatnamasy (UNEP) bilen bilelikde Türkmenistanda BMG-niň Merkezi Aziýada Howanyň üýtgemegi bilen bagly tehnologiýalaryň sebit merkeziniň açylmagy üçin kanuny esas döredilendigi barada bellenilýär.
