6-njy ýanwarda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onuň gün tertibine döwlet durmuşynyň birnäçe meseleleri girizildi diýip, TDH habar berýär.
Mejlisiň Başlygy D.Gulmanowa milli kanunçylygy kämilleşdirmek boýunça durmuşa geçirilýän işler barada maglumat berdi.
Soňra wise-premýerler we Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory gözegçilik edýän ulgamlarynda alnyp barlan işler, pudaklary mundan beýläk-de ösdürmek boýunça görülýän çäreler, öňde goýlan wezipeleriň ýerine ýetirilişi, degişli ugurlarda geçiriljek çäreler hem-de olara taýýarlyk görlüşi barada hasabat berdiler.
Döwlet Baştutanymyz hasabatlary diňläp, degişli ýolbaşçylara milli ykdysadyýetimiziň dürli ulgamlarynda we pudaklarynda alnyp barylýan işler, şeýle hem halkara hyzmatdaşlygyny pugtalandyrmak we öňde boljak çäreler bilen baglanyşykly anyk tabşyryklary berdi.
