28-nji dekabrda Türkmenistanyň Döwlet energetika institutynda Birleşen Milletler Guramasynyň Durnukly ösüş maksatlaryna (DÖM) bagyşlanan okuw-usulyýet maslahatlary geçirildi diýip, «Türkmenistan: Altyn asyr» internet-neşiri habar berýär.
Çärelere bu ýokary okuw mekdebiň mugallymlary we talyplary gatnaşdy. Bilelikdäki duşuşyklar institutyň amaly mehanika bölümi tarapyndan guraldy.
Maslahatlaryň dowamynda işleriň netijeleri we ösüş mümkinçiligi, BMG-niň DÖM-ini durmuşa geçirmek boýunça mundan beýläkki meýilnamalar ara alnyp maslahatlaşyldy diýlip çeşmede bellenilýär.