27-nji dekabrda Arkadag Serdarly bagtyýar ýaşlar ýylynyň jemlerine bagyşlanyp geçirilen halkara ylmy-amaly maslahatyň dowamynda «UI GreenMetric World University Ranking» agentliginiň başlygy Riri Fitri Sari Türkmenistanyň ýokary okuw mekdepleriniň sekizisiniň «UI GreenMetric World University Ranking» atly halkara reýtinge goşulandygyny tassyklaýan şahadatnamany gowşurdy.
Şolaryň hatarynda Türkmenistanyň Energetika ministrliginiň garamagynaky Türkmenistanyň Döwlet energetika instituty hem bar.
«UI GreenMetric» reýtingi Indoneziýanyň uniwersiteti tarapyndan 2010-njy ýyldan bäri düzülýär we uniwersitetleriň ekologiýa infrastrukturasyny kämilleşdirmäge ymtylyşyny we daşky gurşawy goramak pudagynda durnukly ösüşe goşýan goşandyny ölçeýär. Bu ýyl «UI GreenMetric» reýtinginde 85 ýurtdan 1183 ýokary okuw mekdebi girizildi.
Ýeri gelende bellesek, Türkmenistan Döwlet energetika instituty Halkara uniwersitetler assosiasiýasynyň hem agzasydyr.
