Şu günler Daşoguzda täze elektrik bekediniň gurluşygynda gurnama işleri işjeň depginlerde alnyp barylýar. Şol işleri ýurdumyzyň energetika ministrliginiň «Türkmenergogurluşyk» konserniniň «Daşoguzenergogurluşyk» kärhanasynyň hünärmenleri alyp barýarlar diýip, «Türkmenistan: Altyn asyr» internet-neşiri habar berýär.
Bu desga ahyrky netijede ýurtda bitewi energiýa halkasyny döretmäge mümkinçilik berjek «Balkan-Daşoguz» howa elektrik geçiriji ulgamynyň gurluşyk taslamasynyň çäklerinde bina edilýär.
Täze beket elektrik energiýany, şol sanda Daşoguzda ýerleşýän iri döwlet elektrik stansiýasyndan hem alynýan energiýany özleşdirmäge hem-de paýlamaga hyzmat eder. Ol ýurdumyzyň bitewi energiýa ulgamynda aralyk böleginiň wezipesini ýerine ýetirer.
Beket birnäçe transformatorlardan, paýlaýjy we dolandyryjy enjamlardan, kömekçi desgalardan ybaratdyr. Desga ýurdumyzyň demirgazyk sebitiniň çäklerinde bina edilýän 500 kWt-lyk şonuň ýaly beket bilen birleşdiriler diýlip, çeşmede bellenilýär.