Hormatly Prezidentimiz Serdar Berdimuhamedow 25-nji dekabrda welaýatlaryň häkimleriniň hem-de obasenagat toplumyna gözegçilik edýän wise-premýeriň gatnaşmagynda geçirilen iş maslahatynda «Ýaşlar — Watanyň daýanjy» atly kitabynyň çapdan çykandygyny, onda ýurdumyzyň ýaşlarynyň häzirki döwürde ýeten sepgitleriniň, gazanan üstünlikleriniň jeminiň jemlenýändigini aýtdy diýip, TDH habar berýär.
Bu kitap «Arkadag Serdarly bagtyýar ýaşlar» ýylynyň jemlerine bagyşlanyp, 27-nji dekabrda geçiriljek halkara ylmy-amaly maslahata we sergä gabatlanylyp neşir ediler.
Bu kitabyň ilkinji sanyny türkmen halkynyň Milli Lideri Gahryman Arkadagymyza sowgat hökmünde iberýärin diýip, hormatly Prezidentimiz aýtdy.