Gündogaryň beýik şahyry we akyldary Magtymguly Pyragynyň ömrüni hem-de döredijiligini öwrenýän türkmen alymlary «Ylym» neşirýaty tarapyndan kitap görnüşinde neşir ediljek täze eserleri çapa taýýarladylar diýip «Türkmenistan: Altyn asyr» internet neşiri habar berýär.
Täze neşirleriň arasynda «Magtymguly türki halklaryň edebiýatynda» atly kitap, «Magtymgulynyň eserlerinde ýer-ýurt atlary we olaryň poetikasy» atly monografiýa, «Magtymguly – ylham çeşmesi» atly ýygyndy hem-de «Beýik Magtymguly we türkmenleriň durmuşy» atly makalalar ýygyndysy bardyr.
