«Hazar bäşliginiň» daşary işler ministrleriniň duşuşygynyň netijelerine görä, mundan beýläkki hyzmatdaşlygyň esasy ylalaşyklaryny we ugurlaryny şöhlelendirýän Bilelikdäki Beýannama kabul edildi.
Resminama ylalaşyk häsiýetine eýe bolsa-da, onda türkmen tarapy tarapyndan gozgalan esasy meseleler öz beýanyny tapdy. Hususan-da, Beýannamada Hazar deňzinde deňiz ylmy gözlegleri pudagyndaky hyzmatdaşlyk baradaky şertnamanyň taslamasyny tassyklamak işini tizleşdirmegiň zerurdygy aýdylýar.
Şeýle hem Türkmenistanyň Hazar deňziniň ýalpaklaşmagynyň meselelerini öwrenmek we jogap çärelerini işläp düzmek üçin iş toparyny döretmek baradaky başlangyjy hem goldanyldy.
Mundan başga-da, taraplar Hazaryň deňiz gurşawynyň goralmagyny üpjün etmäge gönükdirilen Tähran konwensiýasy boýunça mundan beýläk-de hyzmatdaşlyl etmegiň möhümdigini bellediler.
Şeýlelik bilen, Türkmenistan birnäçe mesele boýunça garaýyşlarynyň «Hazar bäşliginiň» duşuşygynyň jemleýji resminamasyna goşulmagyny gazandy. Munuň özi ýurduň sebitiň köptaraplaýyn gurşawynda işjeň we yzygiderli iş alyp barýandygyna şaýatlyk edýär.