5-nji dekabrda Moskwada bäş Hazarýaka döwletiniň daşary işler ministrleriniň nobatdaky duşuşygy geçirildi. Syýasy dialogdan başlap, söwda-ykdysady gatnaşyklara çenli sebitleýin hyzmatdaşlygyň meseleleri «Hazar bäşligi» görnüşinde ara alnyp maslahatlaşyldy.
Hazar sebitinde möhüm orunlaryň birini eýeleýän Türkmenistanyň garaýyşlary gepleşiklerde aýratyn ähmiýete eýedir. Türkmenistan Hazar deňziniň wajyp meselelerini, ilkinji nobatda, ekologiýa meselelerini çözmekde bilelikdäki çemeleşmeleri işläp düzmäge işjeň gatnaşýar. Mundan başga-da, Türkmenistan ägirt uly energetika mümkinçiliklerine eýedir, bu bolsa ony beýleki Hazarýaka döwletleri üçin möhüm hyzmatdaşa öwürýär.
«arzuw.news» saýty seljerme häsiýetli makalasynda gepleşikleriň gün tertibini düzmekde we milli bähbitleri goramakda Türkmenistanyň ornuna aýratyn ünsi çekmek bilen, «Hazar bäşliginiň» soňky duşuşygynyň jemlerine syn berdi.