Ýurdumyzda Halkara Bitaraplyk gününi we Birleşen Milletler Guramasynyň Baş Assambleýasy tarapyndan Türkmenistanyň hemişelik Bitaraplygy hakynda Kararnamanyň kabul edilmeginiň 28 ýyllygyny giň gerimli birnäçe çäreler bilen bellenildi.
12-nji dekabrda hormatly Prezidentimiz Serdar Berdimuhamedow Aşgabatdaky Bitaraplyk binasyna gül goýmak dabarasyna gatnaşdy diýip, TDH habar berýär.
Mejlisiň ýolbaşçysy we wekilleri, wise-premýerler, harby we hukuk goraýjy edaralaryň, ministrlikleriň hem-de pudaklaýyn dolandyryş edaralarynyň ýolbaşçylary, Aşgabat şäheriniň häkimi, Türkmenistanyň daşary döwletlerdäki ilçileri, ýurdumyzdaky diplomatik missiýalaryň we halkara guramalaryň wekilhanalarynyň ýolbaşçylary, hormatly ýaşulular, jemgyýetçilik guramalarynyň, köpçülikleýin habar beriş serişdeleriniň wekilleri, şeýle hem paýtagtymyzyň myhmanlary belent binanyň öňünde gül desselerini goýdular.
Günüň ikinji ýarymynda olaryň ählisi Döwlet medeniýet merkeziniň Mukamlar köşgünde geçirilen baýramçylyk konsertine gatnaşdylar.
Baýramçylyk mynasybetli «Dialog — parahatçylygyň kepili» atly halkara maslahat hem-de parahatçylygyň, howpsuzlygyň we durnukly ösüşiň bähbidine Bitaraplygyň dostlary toparynyň ýokary derejedäki mejlisi geçirildi.
