11-nji dekabrda hormatly Prezidentimiz Serdar Berdimuhamedow ýurdumyzyň daşary ýurtlardaky diplomatik wekilhanalarynyň, konsullyk edaralarynyň we halkara guramalaryň ýanyndaky wekilhanalarynyň ýolbaşçylarynyň gatnaşmagynda Ministrler Kabinetiniň giňişleýin mejlisini geçirdi diýip, TDH habar berýär.
Mejlisiň gün tertibine Bitarap döwletimiziň halkara giňişlikde alyp barýan daşary syýasatyna degişli möhüm meseleler girizildi.
Mejlisiň dowamynda döwlet Baştutanymyz ýurdumyzyň diplomatik gullugynyň şu ýylda alyp baran işlerine seljerme berip, türkmen diplomatlarynyň öňünde täze wezipeleri goýdy.
Mejlisde işgärleri wezipä bellemek we wezipeden boşatmak hakynda çözgütler kabul edildi, resminamalaryň birnäçesine gol çekildi.
