6-njy dekabrda Aşgabatda Türkiýe Respublikasynyň eksport harytlarynyň 10-njy sergisi açyldy, şeýle hem Ykdysady hyzmatdaşlyk boýunça hökümetara türkmen-türk toparynyň ýedinji mejlisi we işewürlik maslahaty geçirildi diýip, TDH habar berýär.
Gözden geçirilişe gatnaşmak üçin Türkiýäniň döwlet düzümleriniň wekillerinden ybarat uly topar, ýurdumyz bilen netijeli hyzmatdaşlygy has-da ösdürmäge gyzyklanma bildirýän kompaniýalaryň we hususy kärhanalaryň 100-e golaýynyň ýolbaşçylarydyr hünärmenleri Aşgabada geldiler.
Forumyň açylyş dabarasynda çykyş eden türk wekiliýetiniň ýolbaşçysy, Türkiýe Respublikasynyň wise-prezidenti Jewdet Ýylmaz Türkmenistanda maýa goýumlaryň möçberini artdyrmak we gurluşyk taslamalaryny durmuşa geçirmek arkaly, Türkiýäniň ýurdumyzyň ösüşine goşant goşmaga taýýardygyny mälim etdi.
Energetika hyzmatdaşlygyň iň möhüm ugurlaryndan biri hökmünde görkezildi. Hususan-da, Jewdet ilmylmaz: «Biz türkmen elektrik energiýasyny we tebigy gazyny dünýä bazarlaryna çykarmak üçin täze we örän uly taslamalary bilelikde durmuşa geçirmäge we işläp düzmäge taýýar» diýip, elektrik üpjünçiligi meselesinde hyzmatdaşlyga taýýardygyny mälim etdi.
