Türkmenistanyň Prezidenti Buýrugyna laýyklykda, Ministrler Kabinetiniň Başlygynyň senagat we gurluşyk toplumyna gözegçilik edýän orunbasary Baýmyrat Annamämmedowyň ýolbaşçylygynda ýurdumyzyň wekiliýeti Awstriýa Respublikasynda gulluk iş saparynda bolar diýip, TDH habar berýär.
Ýurdumyzyň wekiliýeti 26 — 30-njy noýabr aralygynda Wena şäherinde geçirilýän Birleşen Milletler Guramasynyň Senagat ösüşi boýunça guramasynyň (UNIDO) Baş maslahatynyň 20-nji mejlisine gatnaşýar.
Awstriýada gulluk iş saparynyň dowamynda gurluşyk we senagat babatda ikitaraplaýyn hyzmatdaşlyk meselelerini ara alyp maslahatlaşmak, şeýle hem UNIDO-nyň hem-de Wena şäheriniň häkimliginiň ýolbaşçylary bilen duşuşyklary geçirmek meýilleşdirilýär.
