Türkmenistanyň we Eýranyň resmi wekilleri Ykdysady hyzmatdaşlyk boýunça bilelikdäki türkmen-eýran hökümetara toparynyň nobatdaky mejlisiniň jemleri boýunça elektrik energetikasy pudagynda taslamalary durmuşa geçirmäge gönükdirilen resminama gol çekdiler diýip, TDH habar berýär.
Taraplar Mary (Türkmenistan) – Maşat (Eýran) elektrik geçirijisiniň türkmen böleginiň gurluşygynyň maliýeleşdirilmegini ýola goýmak hakynda «Türkmenenergo» döwlet elektroenergetika korporasiýasynyň, «Tawanir» kompaniýasynyň we «Sanergy Pishro Export and Energy Promotion» kompaniýasynyň arasynda Çarçuwaly Ylalaşyga gol çekdiler.
Gol çekilen resminamalar Türkmenistandan Eýrana iberilýän elektrik energiýasynyň möçberini artdyrmaga mümkinçilik berýän iri infrastruktura taslamalaryny durmuşa geçirmekde möhüm ädimdir diýlip, çeşmede bellenilýär.
