9-10-njy noýabrda Aşgabatda telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel — 2023» atly XVI halkara sergi we ylmy maslahat geçiriler, oňa ýigrimä golaý ugurdaş daşary ýurt kompaniýalarynyň we guramalarynyň wekilleriniň gatnaşmaklaryna garaşylýar.
Gatnaşyjylaryň hatarynda milli we sebit bazarlarynyň öňdebaryjylary: «Huawei» we «Hytera» hytaý kompaniýalary, Türkiýäniň «MiaTeknoloji» we «PTT» kompaniýalary, «DHL» we «Motorola Solutions» amerikan kompaniýalary, Gyrgyzystanyň «Kyrgyzpoçtasy» we «Kyrgyztelekom», Russiýanyň «Rostelekom» we «MTT», Azerbaýjanyň «Delta Telecom» we «AzerTelecom», Finlýandiýanyň «Nokia», Fransiýanyň «Eutelsat», Ýaponiýanyň «NEC» we «Trend Micro», Gazagystanyň «Kazahtelekom» kompaniýalary, şeýle hem GSMA Mobil aragatnaşyk operatorlarynyň halkara assosiasiýasy bar.
Sergä gatnaşyjylar öz gazananlaryny, şeýle hem türkmen ykdysadyýetinde ulanylyp bilinjek telekommunikasiýa we maglumat alyş-çalşygy pudagynda açylýan mümkinçilikleri görkezerler.
