Ýakyn wagtda balkan welaýatynyň Türkmenbaşy şäheriniň golaýynda kuwwatlylygy 1574 megawata deň bolan täze elektrik stansiýasynyň düýbüni tutmak dabarasy geçiriler. Türkmenistanyň Prezidenti Serdar Berdimuhamedow Türkiýäniň Prezidenti Rejep Taýyp Ärdogan bilen geçirilen gepleşikleriň dowamynda bu barada belläp geçdi diýip, TDH habar berýär.
Desga türkmen hünärmenleri tarapyndan türkiýeli kärdeşler bilen bilelikde gurlar we elektrik energiýasyny üçünji ýurtlaryň çäklerinden üstaşyr geçirmek arkaly Türkiýä eksport etmek üçin täze mümkinçilikleri açar.
Hormatly Prezidentimiz Serdar Berdimuhamedowyň belleýşi ýaly, energetika pudagyndaky hyzmatdaşlygy ösdürmek iki ýurt üçin hem bähbitlidir we munuň üçin zerur şertnama-hukuk binýady bardyr.
