Türkmenistanyň Prezidenti Serdar Berdimuhamedow Türkiýe Respublikasynda resmi saparda bolmagynyň çäklerinde Türkiýäniň Palatalar we biržalar birleşiginiň merkezi edara binasynda geçirilýän Türkmen-türk işewürlik forumynyň açylyş dabarasyna gatnaşdy diýip, TDH habar berýär.
Döwlet Baştutanymyz bu çärede çykyş edip, iki ýurduň işewürleriniň arasynda geçirilýän bu duşuşygyň Türkmenistan bilen Türkiýäniň söwda-ykdysady hyzmatdaşlygyna hil taýdan täze itergi berjekdigine we mundan soňra ediljek bilelikdäki işler boýunça anyk meselelere seretmäge ýardam etjekdigine ynam bildirdi.
