20-nji oktýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda birnäçe resminamalaryň taslamalaryna garaldy, ýurdumyzy durmuş-ykdysady taýdan ösdürmegiň wezipeleri hem-de käbir beýleki meseleler ara alnyp maslahatlaşyldy diýip, TDH habar berýär.
Mejlisiň dowamynda Türkmenistanyň Prezidenti birnäçe resminamalara gol çekdi. Şol sanda, Türkmenistanyň Prezidentiniň Diwanynyň Iş dolandyryş müdirligine Türkmenistanyň Prezidentiniň Ahalteke atçylyk toplumynyň durkuny täzelemek, goşmaça binalary we desgalary gurmak barada «Gap Inşaat Ýatyrym we Dyş Tijaret A.Ş.» türk kompaniýasy bilen şertnama baglaşmaga ygtyýar berýän Karara gol çekildi.
Döwlet Baştutanymyz «Edebiýat, medeniýet we sungat işgärleriniň, höwesjeň aýdymçy ýaşlaryň hem-de zehinli çagalaryň arasynda Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigi yglan etmek hakynda» Karara gol çekdi.
Türkmenistanyň Prezidenti Karara gol çekdi. Resminama laýyklykda,
— Türkmenistanyň raýatynyň pasportyny resmileşdirmegiň we bermegiň tertibi, ondan peýdalanmagyň kadalary;
— Türkmenistanyň raýatynyň pasportynyň nusgasy we ýazgysy tassyklanyldy.
