Türkmenistanyň Prezidenti Serdar Berdimuhamedow Garaşsyz Döwletleriň Arkalaşygynyň Döwlet Baştutanlarynyň Geňeşiniň nobatdaky mejlisine gatnaşmak üçin Gyrgyz Respublikasyna iş sapary bilen bardy diýip, TDH habar berýär.
«Manas» Halkara howa menzilinde döwlet Baştutanymyzy resmi adamlar garşyladylar.
GDA-nyň assosirlenen agzasy bolmak bilen, Türkmenistanyň Arkalaşygyň çäklerinde açyk we deňhukukly dialoga ygrarlydygyny bellemek gerek. Munuň özi ýurdumyzyň daşary syýasy ugrunyň ileri tutulýan wezipelerine laýyk gelýär diýlip, çeşmede bellenilýär.
