Kabulda ýerli hususy kompaniýa bilen kuwwaty 500 kW bolan Türkmenistan – Owganystan elektrik geçiriji liniýasynyň gurluşygyny tamamlamak boýunça galan işleri ýerine ýetirmek üçin şertnama baglaşyldy diýip, «TOLOnews.com» habar berýär.
Owganystanyň energetika we suw serişdeleri ministriniň wezipesini wagtlaýyn ýerine ýetiriji Abdul Latif Mansur bu taslamanyň iki ýyldan tamamlanjakdygyny, onuň durmuşa geçirilmegi bilen Kabulyň we beýleki welaýatlaryň ýaşaýjylarynyň, şeýle hem senagatçylarynyň elektrik energiýasyna bolan islegleriniň kanagatlandyryljakdygyny aýtdy.
Owganystanyň Energetika ministrligi bu taslamany merkezi, gündogar we günorta welaýatlary, şol sanda paýtagty elektrik energiýasy bilen üpjün etmekde iň möhüm infrastruktura taslamalarynyň biri hasaplaýar.
