Türkmenistandaky iň iri Mary döwlet elektrik stansiýasy şu ýylyň başyndan bäri öndürilýän elektrik energiýasynyň möçberini artdyrdy. Häzirki wagta çenli DES 10,3 milliard kilowatt-sagada golaý energiýa öndürdi. Elektrik stansiýasynyň hünärmenleri täze gaz turbinalaryň we utgaşykly dolanyşykda işleýän elektrik stansiýalarynyň işe girizilmegi netijesinde, soňky ýyllarda önümçilik meýilnamalaryny artygy bilen ýerine ýetirmegiň mümkin bolandygyny bellediler diýip, resmi türkmen metbugaty habar berýär.
Alnyp barylýan işleriň häzirki depginini göz öňünde tutup, şu ýylyň ahyryna çenli elektrik energiýasynyň öndürilişiniň 14 milliard kilowatt-sagada ýetip biljekdigini aýdyp bileris.
Ýeri gelende bellesek, Mary DES-i goňşy ýurtlary hem, şol sanda Owganystany, Özbegistany we Eýrany durnukly elektrik energiýasy bilen üpjün edýär.
