Türkmenistanyň Garaşsyzlygynyň 32 ýyllyk baýramy mynasybetli hormatly Prezidentimiz Serdar Berdimuhamedow Garaşsyzlyk binasyna gül goýmak dabarasyna gatnaşdy diýip, Türkmenistanyň Halkara habarlar merkezi habar berýär.
Baýramçylyk dabaralary paýtagtymyzdaky Milli Garaşsyzlyk seýilgähinde ýaýbaňlandyryldy. Hormatly Prezidentimiz dabaraly ýagdaýda ýadygärlik toplumynyň öňünde gül dessesini goýdy.
Döwlet Baştutanymyzyň göreldesine eýerip, Hökümet agzalary, Mejlisiň we Halk Amslahatynyň ýolbaşçylary hem-de wekilleri, harby gullukçylar, welaýatlaryň hem-de Aşgabat şäheriniň häkimleri, ministrlikleriň, pudaklaýyn dolandyryş edaralarynyň, jemgyýetçilik guramalarynyň wekilleri, ýurdumyzdaky diplomatik wekilhanalaryň we halkara guramalaryň ýolbaşçylary, hormatly ýaşulular, talyp ýaşlar, paýtagtymyzyň köp sanly ýaşaýjylary we myhmanlary gül desselerini goýdular.
