Nýu-Ýorkda iş sapary bilen bolýan hormatly Prezidentimiz Serdar Berdimuhamedow BMG-niň Baş sekretary Antoniu Guterriş bilen duşuşdy. Duşuşygyň dowamynda taraplar ikitaraplaýyn hyzmatdaşlygyň ileri tutulýan ugurlaryny, şeýle hem halkara gün tertibiniň möhüm meselelerini ara alyp maslahatlaşdylar diýip, TDH habar berýär.
Taraplar ikitaraplaýyn hyzmatdaşlygy mundan beýläk-de pugtalandyrmaga we parahatçylygy, howpsuzlygy we durnukly ösüşi üpjün etmek üçin bilelikde iş alyp barmaga ygrarlydyklaryny tassykladylar.
BMG-nyň Baş sekretary Antoniu Guterriş hormatly Prezidentimize BMG-niň Baş Assambleýasynyň 78-nji mejlisine gatnaşandygy üçin minnetdarlyk bildirip, BMG bilen hyzmatdaşlykda Türkmenistanyň işjeň ornunyň bardygyny we oňyn başlangyçlar bilen çykyş edýändigini belledi.
Şeýle hem Türkmenistanyň Prezidenti iş saparynyň çäklerinde Nýu-Ýorkda Ýewropa Bileleşiginiň Başlygy Şarl Mişel hem-de Bütindünýä söwda guramasynyň Baş direktory hanym Ngozi Okonjo-Iweala bilen duşuşdy.
