Russiýanyň demirgazyk paýtagtynyň gubernatory Aleksandr Beglow Sankt-Peterburgyň Hökümet wekiliýetine ýolbaşçylyk edip, resmi sapar bilen Aşgabada geldi diýip, «Turkmenportal» «spbdnevnik.ru» saýtyna salgylanyp habar berýär.
Saparyň maksatnamasy boýunça Türkmenistanyň Prezidenti Serdar Berdimuhamedow bilen duşuşyk geçiriler.
Şeýle hem saparyň çäklerinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem-de beýleki resmi adamlar bilen duşuşyklar meýilleşdirildi.
Peterburgyň gubernatory täze Arkadag şäherine baryp görer, bu ýerde Sankt-Peterburgyň Hökümeti bilen Arkadag şäheriniň häkimliginiň arasynda hyzmatdaşlyk etmek hakynda Ylalaşyga gol çekmek göz öňünde tutulýar.
