Türkmenistanyň Ylymlar akademiýasynyň Tehnologiýalar merkeziniň alymlarynyň gatnaşmaklarynda geçirilen «Türkmenistanyň milli ykdysadyýetinde energetikanyň orny» atly maslahatda energetika pudagyny ösdürmegiň täze ugurlary ara alnyp maslahatlaşyldy diýip, «Türkmenistan: Altyn asyr» internet neşiri habar berýär.
Tehnologiýalar merkeziniň birnäçe barlaghanalarynyň ýolbaşçylary, öňdebaryjy ylmy işgärleri ugurdaş gözlegleri we olary amaly taýdan ulanmaga gönükdirilen işler bilen baglanyşykly çykyşlar etdiler.
Hususan-da, alternatiw ekerançylygy ösdürmekde Gün energiýasyny ulanmak, dürli energiýa çeşmelerini birleşdirip, guşlar üçin iýmlik goşundylaryň önümçiligini senagat derejesinde öndürmek, garyşyk dökünleri öndürmekde energiýa tygşytlaýjy tehnologiýalardan peýdalanmak we ş.m. meselelere seredildi.
