Türkmenistanyň Ylymlar akademiýasynyň, Söwda-senagat edarasynyň we Aşgabadyň ýokary okuw mekdepleriniň ikisiniň wekilleri «Durnukly ykdysadyýeti ösdürmek maksady bilen sanly tehnologiýalary durmuşa ornaşdyrmak» atly iki günlük halkara maslahatyna gatnaşdylar diýip, «Türkmenistan: Altyn asyr» habar berýär.
Bu çäre Hytaýyň Urumçi şäherinde geçirildi we Merkezi Aziýa sebitleýin ykdysady hyzmatdaşlyk instituty (CAREC) tarapyndan Hytaý-Ýewraziýa Sergiler sekretariaty we Sinszýan-Uýgur awtonom etrabynyň Maliýe departamenti bilen hyzmatdaşlykda Sebitleýin Alyş-çalyş başlangyjynyň hem-de Aziýa ösüş bankynyň maliýe goldawyny bermeginde guraldy.
Merkezi Aziýa sebitleýin ykdysady hyzmatdaşlyk instituty Merkezi Aziýada ykdysady hyzmatdaşlygy ösdürmek bilen meşgullanýan hökümetara gurama bolup durýar diýlip, çeşmede bellenilýär.
