21-nji awgustda Türkmenistanyň Magtymguly adyndaky Ýaşlar guramasynyň ÝUNESKO-nyň Bütindünýä Ýaşlar jemgyýetiniň resmi agzalygyna kabul edilmegi mynasybetli Türkmenistanyň Jemgyýetçilik guramalarynyň merkezinde «Türkmenistan — ÝUNESKO: Bütindünýä Ýaşlar jemgyýetiniň strategik hyzmatdaşlygyny işjeňleşdirmekde türkmen ýaşlarynyň orny» atly dabaraly maslahat geçirildi.
Forum türkmen ýokary okuw mekdepleriniň we döwlet düzümleriniň ýaş hünärmenlerini bir ýere jemledi.
ÝUNESKO-nyň işleri barada Türkmenistanyň milli toparynyň jogapkär sekretary Çynar Rüstemowa maslahatda eden çykyşynda bu çäräniň ähmiýetini belläp, häzirki wagtda Aşgabat we BMG-niň ýokarda agzalan gurluşynyň ýurtda bilimiň hilini ýokarlandyrmak boýunça taslamalary durmuşa geçirmegiň üstünde işleýändigini aýtdy.
