Türkmenistan we Owganystan energetika pudagynda hyzmatdaşlyk etmegiň mümkinçiliklerini ara alyp maslahatlaşdylar. «Türkmenenergo» döwlet elektroenergetika korporasiýasynyň we Owganystanyň «Da Afghanistan Breshna Sherkat» energetika kompaniýasynyň (DABS) wekilleri Owganystanyň Hyrat welaýatyndaky Nur-al-Jihad podstansiýasyna Türkmenistandan iberilýän elektrik energiýasynyň möçberlerini artdyrmak meselelesi boýunça gepleşikleri geçirdiler diýip, Türkmenistanyň Halkara habarlar merkezi habar berýär.
Taraplar taslamany durmuşa geçirmegiň tehniki ugurlaryna, şol sanda resminamalary taýýarlamak, howpsuzlyk we ätiýaçlandyryş meselelerine garadylar. Taslama elektrik geçiriji liniýasynyň kuwwatyny 110-dan 220 kilowolta çenli ýokarlandyrmagy göz öňünde tutýar, munuň özi Owganystanyň demirgazyk-günbatar bölegine iberilýän elektrik energiýasynyň möçberlerini artdyrmaga mümkinçilik döreder.
Owgan tarapy bu taslamanyň ýakyn wagtda durmuşa geçirilmeginiň wajypdygyny belledi, çünki ol Hyratda önümçiligiň ösmegine itergi berer. Türkmenistan birnäçe ýyllaryň dowamynda goňşy ýurda elektrik energiýasyny ýeňillikli bahalar bilen eksport edýär. 2022-nji ýylyň ýanwar aýynda iki döwletiň wekilleri Nur al-Jihad podstansiýasyna iberilýän elektrik energiýasynyň möçberlerini artdyrmak barada şertnama baglaşdylar. Türkmenistan 2025-nji ýyla çenli eksportyň möçberini 8,7% artdyrmagy meýilleşdirýär.
