Şu gün «Awaza» milli syýahatçylyk zolagynda «Hazar deňzi – parahatçylyk we dostluk deňzi» atly halkara maslahat öz işine başlar. Forum her ýyl 12-nji awgustda bellenilýän Halkara Hazar deňziniň gününe bagyşlanýar, şol gün 2006-njy ýylda bäş sany Hazarýaka döwleti: Türkmenistan, Eýran, Russiýa, Gazagystan we Azerbaýjan deňiz gurşawyny goramak boýunça Tähran konwensiýasyny kabul etdiler.
Maslahaty guraýjylaryň habar bermeklerine görä, oňa Türkmenistanyň Daşky gurşawy goramak ministrliginiň ýolbaşçylary, Azerbaýjanyň, Eýranyň, Gazagystanyň, Russiýa Federasiýasynyň, şeýle hem Gruziýanyň we Rumyniýanyň diplomatik wekilhanalarynyň wekilleri gatnaşarlar.
Halkara jemgyýetçiliginiň adyndan BMG-niň, Migrasiýa boýunça halkaa guramasynyň (IOM), ÝHHG-niň Aşgabatdaky merkeziniň, Germaniýanyň Halkara Hyzmatdaşlyk jemgyýetiniň (GIZ), ÝUNESKO-nyň Hökümetara okeanografik komissiýasynyň, Halkara deňiz hukugy institutynyň we Halkara umman institutynyň wekilleri gatnaşarlar.
Maslahata gatnaşyjylar sebitdäki döwletleriň Hazar deňzi boýunça, şol sanda ekologiýa, geostrategiýa, ykdysadyýet we ulag pudaklarynda mundan beýläk hem özara hyzatdaşlyk etmegi bilen baglanyşykly möhüm meselelere serederler.
