Täjigistanda Merkezi Aziýanyň döwlet Baştutanlarynyň bäşinji konsultatiw duşuşygyna toplumlaýyn taýýarlyk işlerine girişildi. Bu çäre 14-15-nji sentýabrda Duşenbe şäherinde geçiriler diýip, Täjigistan Respublikasynyň DIM-ne salgylanyp «Sputniknews» web saýty habar berýär.
Täjigistanyň Prezidentiniň tabşyrygy boýunça respublikanyň premýer-ministri Kohir Rasulzodanyň ýolbaşçylyk etmeginde guramaçylyk komiteti döredildi, şeýle-de onuň düzümine ähli ministrlikleriň we edaralaryň ýolbaşçylary degişli edildi.
Merkezi Aziýa döwletleriniň baştutanlarynyň bäşinji ýubileý konsultatiw duşuşygyna Täjigistanyň Prezidenti Emomali Rahmon ýolbaşçylyk eder. Sammite Özbegistanyň, Gazagystanyň, Gyrgyzystanyň we Türkmenistanyň Liderleriniň gatnaşmagyna garaşylýar.
Bäşinji konsultatiw duşuşygyň jemleri boýunça birnäçe möhüm resminamalaryň kabul edilmegi meýilleşdirilýär.
