Türkmenistan BMG-niň Baş Assambleýasynyň 12-nji sentýabrda Nýu-Ýork şäherinde öz işine başlajak nobatdaky 78-nji sessiýasynda üznüksiz energetikanyň durnukly ösüşi üpjün etmekdäki orny hakynda Kararnamany kabul etmegi teklip eder diýip, «Türkmenistan: Altyn asyr» internet-neşiri ýurduň DIM-niň saýtynda ýerleşdirilen BMG-niň Baş Assambleýasynyň 78-nji sessiýasynda Türkmenistanyň ileri tutýan garaýyşlaryna salgylanyp habar berýär.
Kararnamanyň taslamasynyň çäklerinde arzan, ygtybarly, durnukly we döwrebap energiýa çeşmelerine elýeterliligi üpjün etmek boýunça global derejede tagallalary birleşdirmek maksady bilen, şeýle hem BMG-niň 2014 – 2024-nji ýyllar üçin Durnukly energetika onýyllygynyň jemini jemlemek üçin 2025-nji ýylda Türkmenistanda «Durnukly energetika hemmeler üçin» atly halkara maslahaty geçirmek mümkinçiligi göz öňünde tutuldy.
Şeýle hem resminamada Türkmenistanyň energetika netijeliligi meselelerine we energiýanyň gaýtadan dikeldilýän çeşmelerini peýdalanmaga aýratyn ähmiýet berýändigi beýan edilýär.
