Aşgabat şäheriniň häkimliginiň buýurmasy esasynda «Döwlet Gurluşyk» hojalyk jemgyýeti türkmen paýtagtynda 4 müň orunlyk köpugurly medeni merkeziň gurluşygyny alyp barar.
Paýtagtymyzyň ilatynyň we myhmanlarynyň medeniýetli dynç almagy üçin has amatly şertleri döretmek, şeýle hem Aşgabat şäheriniň binagärlik-şähergurluşyk keşbini has-da gözelleşdirmek maksady bilen, homatly Prezidentimiz degişli Karara gol çekdi.
Resminama laýyklykda, gurluşyk işlerine 2023-nji ýylyň awgust aýynda başlamak we medeni merkezi ýanaşyk ýerlerini abadanlaşdyryp, 2026-njy ýylyň iýun aýynda ulanmaga doly taýýar edip tabşyrmak bellenildi.
Karar TDH-nyň saýtynda ýerleşdirildi.
