Seulda saparda bolýan, türkmen Hökümetiniň energetika, gurluşyk we senagat toplumlaryna gözegçilik edýän wise-premýer Baýmyrat Annamämmedow 17-nji iýulda Koreýa Respublikasynyň premýer-ministri Han Dok Su bilen duşuşdy diýip, «orient» saýty koreý KHBS-ne salgylanmak bilen habar berýär.
Taraplar Türkmenistanyň we Koreýa Respublikasynyň senagat hem-de gurluşyk pudaklarynda, şeýle hem medeniýet we bilim ulgamlarynda hyzmatdaşlygyny ösdürmegiň meselelerini ara alyp maslahatlaşdylar.
Han Dok Su ýurtlaryň arasyndaky hyzmatdaşlygyň derejesine ýokary baha berdi we koreý kompaniýalarynyň Türkmenistandaky iri düzümleýin taslamalara has işjeň gatnaşmaga hem-de ykdysady hyzmatdaşlygy çuňlaşdyrmaga isleg bildirýändigini belledi.
