Türkmenistanyň Energetika ministrligi elektrik beketlerini we energiýa ulgamyny ätiýaçlyk şaýlary hem-de materiallar bilen üpjün etmek boýunça aşakdaky görkezilen lotlar esasynda halkara bäsleşigini yglan edýär. Paýly lot №1 – Elektrik beketlerini ätiýaçlyk şaýlary hem-de materiallar bilen üpjün etmek. Paýly lot №2 – Energiýa ulgamyny ýokary woltly we pes woltly elektrik enjamlary hem-de materiallar bilen üpjün etmek.
Bäsleşige gatnaşmak üçin:
- bäsleşige gatnaşmaga isleg bildirýäniň doly adyny, hukuk statusyny, hasaba alnan ýurduny we rekwizitlerini görkezmek bilen, Türkmenistanyň Energetika ministriniň adyna ýazmaça arza bermeli;
- Türkmenistanyň Energetika ministrliginiň ösüş, täze tehnologiýalar we toplumlaýyn gurluşyk bölüminden lotuň häsiýetnamasyny we tehniki talaplaryň sanawyny almaly. Binanyň salgysy: Türkmenistan, Aşgabat ş., 2022-nji köç., 55-nji jaý;
- lot üçin 500 ABŞ dollaryny tölemek bilen, bäsleşik resminamalarynyň toplumyny almaly (goşulan baha üçin salgyt (NDS) we bank töleglerini hasaba almazdan).
Bäsleşik üçin teklipler 2023-nji ýylyň 18-nji sentýabryna sagat 16:00-a çenli kabul edilýär.
Bäsleşik üçin teklipleriň toplumy diňe pul serişdeleri hasaba geçirilenden soň seretmek üçin kabul edilýär.
Habarlaşmak üçin telefonlar: 37-94-31, 37-94-33.
