Şu günler ýurdumyzyň guramalarynda, kärhanalarynda, bilim edaralarynda täze Arkadag şäherine bagyşlanan kitabyň tanyşdyrylyş dabaralary geçirilýär
Dabaralara gatnaşyjylar giň okyjylar köpçüligine häzirki zaman we öňdebaryjy şäher barada gürrüň berýän, onda ýerine ýetirilen gurluşyk işleri barada gymmatly maglumatlary saklaýan täze kitabyň ähmiýeti barada belläp geçdiler.
Neşirde döwrebap binalaryň we desgalaryň özboluşly aýratynlyklaryny şöhlelendirýän owadan fotosuratlar ýerleşdirilendir.
Üç dilde – türkmen, iňlis we rus dillerinde neşir edilen bu kitap giň okyjylar köpçüligi, şol sanda daşary ýurtly okyjylar üçin elýeterli edildi.
Täze Arkadag «akylly» şäheriň birinji tapgyrynyň açylyş dabarasynyň öňüsyrasynda çap edilen «Arkadag şäheri – geljegiň şäheri» atly täze kitap şanly waka mynasybetli ajaýyp sowgat boldy.
