Hormatly Prezidentimiz Serdar Berdimuhamedow «Berkarar döwletiň täze eýýamynyň Galkynyşy döwri we Magtymguly Pyragy» atly halkara ylmy maslahata gatnaşyjylara Gutlag hatyny iberdi.
«Garaşsyz, hemişelik Bitarap Türkmenistanyň taryhyna altyn harplar bilen ebedi ýazyljak şanly wakalara – döwlet ähmiýetli Arkadag şäheriniň birinji tapgyrynyň açylyş dabarasyna, Türkmenistanyň medeniýet we sungat işgärleriniň hem-de Magtymguly Pyragynyň şygryýet gününe gabatlanyp geçirilýän bu halkara ylmy maslahatyň beýik türkmen şahyry we Gündogaryň akyldary Magtymguly Pyragynyň dünýä edebiýatynyň altyn hazynasyna giren edebi mirasyny öwrenmek, bu ugurda halkara hyzmatdaşlygy has-da pugtalandyrmak we giňeltmek babatda ähmiýetiniň örän uly boljakdygyna ynanýaryn» diýlip, döwlet Baştutanymyzyň merkezi metbugatda çap edilen Gutlagynda bellenilýär.
