23-nji iýunda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň meseleleri ara alnyp maslahatlaşyldy we käbir resminamalaryň taslamalaryna garaldy diýip, TDH habar berýär.
Hususan-da, mejlisiň dowamynda wise-premýer B.Annamämmedowyň gözegçilik edýän ulgamlaryndaky işleriň ýagdaýy baradaky hasabaty diňlenildi.
Hormatly Prezidentimiz hasabaty diňläp, wise-premýere hereket edýän önümçilikleriň toplumlaýyn döwrebaplaşdyrylmagyny mundan beýläk-de dowam etdirmegi tabşyrdy hem-de ýurdumyzyň elektroenergetika pudagynyň düzümlerini has-da kämilleşdirmek, bu pudagyň eksport kuwwatyny artdyrmak babatda birnäçe anyk görkezmeleri berdi.
