26 – 29-njy iýun aralygynda Dýusseldorfda (Germaniýa) Türkmenistanyň ykdysadyýet günleri geçiriler diýip, ost-ausschuss.de saýtynda habar berilýär.
Nebit-himiýa, gurluşyk we dokma senagatlarynyň meselelerini ara alyp maslahatlaşmaga bagyşlanan forumyň maksady – nemes işewürlerini Türkmenistanyň ykdysadyýeti, eksport mümkinçilikleri, daşary söwda we maýa goýum syýasaty, şeýle hem önümçilige innowasion tehnologiýalaryny ornaşdyrmagyň wezipeleri bilen tanyşdyrmakdan ybaratdyr.
Türkmenistanyň Söwda-senagat edarasynyň başlygy Döwletgeldi Rejepowyň ýolbaşçylygyndaky türkmen wekiliýetiniň düzümine «Türkmennebit», «Türkmenhimiya», «Türkmengaz» döwlet konsernleriniň, Türkmenistanyň Maliýe we ykdysadyýet ministrliginiň, Senagat we gurluşyk önümçiligi ministrliginiň, Türkmenistanyň Dokma senagaty ministrliginiň, Döwlet haryt-çig mal biržasynyň wekilleri, gurluşyk harytlaryny, azyk önümlerini, plastmassa, kompozit we dokma önümlerini öndürijiler girýär.
