Şu gün Türkmenistanda her ýylda geçirilmegi däbe öwrülen Medeniýet hepdeligi açylýar. Bu giň gerimli baýramçylyk çäresi mynasybetli Türkmenistanyň Prezidenti oňa gatnaşyjylara hem-de bütin türkmen halkyna ýüzlenme ýollady.
«Ýurdumyzyň paýtagtynda hem-de welaýatlarynda yzygiderli geçirilýän Medeniýet hepdeligi türkmen medeniýetiniň we sungatynyň özboluşly baýramydyr. Paýtagtymyzda geçirilýän Medeniýet hepdeligine medeniýet ulgamynyň işgärleriniň işjeň gatnaşmagy bagtyýar ildeşlerimiziň öz medeni gymmatlyklaryna, baý mirasyna söýgüsini has-da artdyrar» diýip, döwlet Baştutanymyz belleýär.
