16-njy iýunda hormatly Prezidentimiz Serdar Berdimuhamedow Ministrler Kabinetiniň giňişleýin göçme mejlisini geçirdi we Arkadag şäheriniň gurluşygynyň ikinji tapgyrynyň düýbüni tutmak dabarasyna gatnaşdy diýip, TDH habar berýär.
Göçme mejlisiň gün tertibine halkymyzyň ýaşaýyş-durmuş şertlerini mundan beýläk-de gowulandyrmak bilen bagly meseleler girizildi.
Döwlet Baştutanymyz Türkmenistandaky ilkinji döwlet ähmiýetli şäheri durmuş-ykdysady taýdan ösdürmegiň meseleleri hakynda resminamalara gol çekdi.
Şeýle hem Türkmenistanyň Prezidenti 28-29-30-njy iýunda ýurdumyzda Gurban baýramyny bellemek hakyndaky Permana gol çekdi.
Hökümetiň giňişleýin göçme mejlisi tamamlanandan soňra, Arkadag şäheriniň gurluşygynyň ikinji tapgyrynyň düýbüni tutmak dabarasynyň geçirildi. Täze şäheriň edaralaryna ekologik talaplara doly laýyk gelýän döwrebap ulag serişdeleri sowgat berildi.
