Türkmenistanyň çetki ilatly nokatlarynda Gün elektrostansiýalary gurlar, birinji tapgyrda olaryň kuwwaty 6 MWt-dan gowrak bolar diýip, «Türkmenenergonyň» gaýtadan dikeldilýän energiýa çeşmelerini ösdürmek gullugynyň başlygy Döwlet Allaýarow habar berdi.
Ol 15-nji iýunda Aşgabatda açylan «Uglewodorod ýataklaryny işlemegiň ekologiýa jähetleri, täze tehnologiýalar we mümkinçilikler» atly halkara ylmy-amaly maslahatda çykyş edip, türkmen hünärmenleriniň gaýtadan dikeldilýän energiýa çeşmeleri pudagyndaky halkara tejribesini işjeň öwrenýändiklerini we bu ugurda öz işlerini alyp barýandyklaryny nygtady.
Bellenilişi ýaly, bu işler ýurtda «ýaşyl» tehnologiýalary ösdürmäge, daşky gurşawy goramaga we tebigy baýlyklardan tygşytly peýdalanmaga gönükdirilendir.
