28 maýda, ýekşenbe güni Türkmenistanda asylly däbe görä, Türkmen halysynyň baýramy giňden belleniler. Bu waka mynasybetli hormatly Prezidentimiz Serdar Berdimuhamedow çeper elli halyçylarymyza we ýurdumyzyň ähli halkyna Gutlag hatyny iberdi.
«Türkmen halkynyň bahasyny hiç zat bilen ölçäp bolmajak milli gymmatlyklarynyň aýrylmaz bölegi bolan, nepisligi, müň dürli öwüşgini, reňkleriniň ajaýyp sazlaşygy bilen gözelligiň nusgasyna öwrülen halylarymyzda ata-babalarymyzyň şöhratly taryhy, gahrymançylygy, çuň mana ýugrulan pähim-parasady, ýol-ýörelgeleri, milli aýratynlyklary jemlenendir» diýip, döwlet Baştutanymyz nygtady.
